Deilt um forsæti og stólafjölda Aðalheiður Ámundadóttir skrifar 8. nóvember 2017 06:00 Þrátt fyrir að mesti þunginn sé í samræðum Vinstri grænna og Sjálfstæðisflokks, eru forystumenn flestra flokka mjög að tala saman, ýmist á fundum eða í síma. vísir Störukeppni er orðið sem flestir viðmælenda blaðsins nota til að lýsa stöðunni í samtölum flokka um myndun ríkisstjórnar. Samkvæmt heimildum Fréttablaðsins ræða forystumenn Vinstri grænna, Sjálfstæðisflokks og eftir atvikum Framsóknarflokks nú aðallega um hver eigi að leiða viðræður, hver sé ákjósanlegasta forsætisráðherraefnið og hvort mynda eigi þriggja flokka stjórn eða láta undan Katrínu Jakobsdóttur með breikkun stjórnar og innkomu Samfylkingar eða mögulega Viðreisnar. Bæði Katrín og Bjarni vilja leiða ríkisstjórn. Sjálfstæðismenn og Framsóknarmenn segja þvert nei við breikkun og eru Bjarni og Sigurður Ingi sagðir þrýsta mjög á Katrínu um að mynda með þeim stjórn án aðkomu annarra flokka. Viðmælendur Fréttablaðsins úr röðum Sjálfstæðismanna segja sína menn leggja þunga áherslu á að Bjarni leiði viðræður og verði í forsæti í næstu ríkisstjórn en fái að öðrum kosti fleiri ráðherrastóla. Stólafjöldinn er helsta ástæða þess að Sjálfstæðismenn vilja heldur þriggja flokka stjórn en fjögurra, segja viðmælendur Fréttablaðsins. Nokkurrar kergju gætir í garð Framsóknarflokksins eftir að slitnaði upp úr viðræðum vinstri flokkanna síðastliðinn mánudag og traustið milli Katrínar og forystumanna Framsóknarflokksins er brothættara en verið hefur, herma heimildir blaðsins. Þrátt fyrir að mesti þunginn sé í samræðum Vinstri grænna og Sjálfstæðisflokks, eru forystumenn flestra flokka mjög að tala saman, ýmist á fundum eða í síma. Þótt minna fari fyrir Miðflokknum en áður er Sigmundur Davíð alls ekki útilokaður frá þátttöku í ríkisstjórn og hafa bæði Bjarni Benediktsson og Katrín átt við hann samtöl á allra síðustu dögum. Beðið er enn átekta með ákvörðun um þingsetningu en þótt stutt sé liðið frá kosningum er skammur tími til afgreiðslu fjárlaga. „Ef línur verða ekki farnar að skýrast þegar líður á næstu viku eða í lok næstu viku, þá náttúrulega þurfa menn að fara að undirbúa mögulega þingsetningu með eða án ríkisstjórnar,“ segir Steingrímur J. Sigfússon, sitjandi forseti Alþingis, og bætir við: „Jafnvel þótt ný ríkisstjórn yrði til fljótlega upp úr því þá er viðbúið að ný stjórn vilji fá einhverja daga til að formera sig og hugsanlega setja sitt mark á fjárlagafrumvarp, en þá þyrfti engu að síður að fara að undirbúa að þing kæmi saman.“ Þrátt fyrir að ekki liggi fyrir hvenær Alþingi verður sett er undirbúningur fyrir þingstörfin að komast á skrið. Nýir alþingismenn hittast á Alþingi í dag og fá kynningu um þinghúsið og þingstörfin. Þá hefur fyrsti fundur formanna þingflokka með forseta verið boðaður á morgun, fimmtudag. Á fundinum verður farið yfir það sem fram undan er; skipan fastanefnda og önnur praktísk atriði sem tengjast upphafi þingstarfa að afloknum kosningum. Tíminn fer nú að verða knappur til fjárlagavinnu en þingið þarf að afgreiða fjárlög fyrir áramót. Eftir haustkosningarnar í fyrra tókst með naumindum að samþykkja fjárlög fyrir jól en þing var ekki kallað saman fyrr en 6. desember og voru fjárlög afgreidd á rúmum tveimur vikum án þess að ríkisstjórn hefði verið mynduð. Verði stjórn ekki mynduð á allra næstu vikum verður þing kallað saman án ríkisstjórnar og mun þá Benedikt Jóhannesson, sem féll af þingi í nýafstöðnum kosningunum, stíga í ræðustól Alþingis og mæla fyrir fjárlagafrumvarpi, sem skylt er, enda er hann enn og verður fjármálaráðherra í starfsstjórn þar til forseti veitir sitjandi ráðherrum lausn og skipar nýja í þeirra stað. Alþingi Birtist í Fréttablaðinu Kosningar 2017 Mest lesið Vélfagsmönnum heitt í hamsi á fundi Viðreisnar Innlent Fundinum lokið án niðurstöðu Innlent Kynna fyrsta húsnæðispakka ríkisstjórnarinnar Innlent Ódæði eftir fall El Fasher: Blóðið sýnilegt úr geimnum Erlent Lögreglumenn svekktir að sjá hversu margir hundsuðu fyrirmæli í gær Innlent Lögreglumenn hundfúlir með bruðl ríkislögreglustjóra Innlent Svona lítur fyrsti húsnæðispakki ríkisstjórnarinnar út Innlent Íslensk stúlka í klóm 764 hvött til sjálfsskaða og ofbeldis Innlent Þurftu að halda peppfund á lygilegum óhappadegi Innlent Gera ekki tilkall til höfuðborgartitils þótt Akureyri verði borg Innlent Fleiri fréttir Ekið á unga stúlku á Ásbrú Skjálfti í Bárðarbungu mældist um fjórir að stærð Boða róttækar breytingar á byggingarreglugerð Draga úr skattfrelsi fólks sem safnar íbúðum Svona lítur fyrsti húsnæðispakki ríkisstjórnarinnar út Vandræðamál hjá Hafró og Landspítala bera af í fjölda og kostnaði Snjóhengjur geti skapað hættu Tugir ökumanna í vandræðum á Suðurnesjum Vélfagsmönnum heitt í hamsi á fundi Viðreisnar Góður grunnur en ekki nóg til að opna Þurftu að halda peppfund á lygilegum óhappadegi Lokuðu veginum um Kjalarnes vegna veðurs Fundinum lokið án niðurstöðu Kynna fyrsta húsnæðispakka ríkisstjórnarinnar Leita konu sem ók á konu og stakk af Metfjöldi árekstra í ófærðinni í gær og Vélfagsmenn tóku yfir fund Viðreisnar „Græna gímaldið“ fer ekki fet Gera ekki tilkall til höfuðborgartitils þótt Akureyri verði borg Hóflega bjartsýnn á viðræður dagsins Lögreglumenn hundfúlir með bruðl ríkislögreglustjóra Lögreglumenn svekktir að sjá hversu margir hundsuðu fyrirmæli í gær Skjálfti 3,2 að stærð í Mýrdalsjökli Snjómokstur í fullum gangi en verkið er viðamikið Íslensk stúlka í klóm 764 hvött til sjálfsskaða og ofbeldis Hálka á höfuðborgarsvæðinu og Hellisheiði Ástæða fyrir því að genaumræðan hafi ekki náð mikilli útbreiðslu Ráðgjafinn ráðinn tveimur dögum eftir að grennslast var fyrir um málið Vesturbæjarlaug opnuð enn eina ferðina eftir viðgerðir Verklagi ábótavant og krefur ríkislögreglustjóra skýringa Mæla með því að farþegar reiði sig ekki á tímaáætlanir Sjá meira
Störukeppni er orðið sem flestir viðmælenda blaðsins nota til að lýsa stöðunni í samtölum flokka um myndun ríkisstjórnar. Samkvæmt heimildum Fréttablaðsins ræða forystumenn Vinstri grænna, Sjálfstæðisflokks og eftir atvikum Framsóknarflokks nú aðallega um hver eigi að leiða viðræður, hver sé ákjósanlegasta forsætisráðherraefnið og hvort mynda eigi þriggja flokka stjórn eða láta undan Katrínu Jakobsdóttur með breikkun stjórnar og innkomu Samfylkingar eða mögulega Viðreisnar. Bæði Katrín og Bjarni vilja leiða ríkisstjórn. Sjálfstæðismenn og Framsóknarmenn segja þvert nei við breikkun og eru Bjarni og Sigurður Ingi sagðir þrýsta mjög á Katrínu um að mynda með þeim stjórn án aðkomu annarra flokka. Viðmælendur Fréttablaðsins úr röðum Sjálfstæðismanna segja sína menn leggja þunga áherslu á að Bjarni leiði viðræður og verði í forsæti í næstu ríkisstjórn en fái að öðrum kosti fleiri ráðherrastóla. Stólafjöldinn er helsta ástæða þess að Sjálfstæðismenn vilja heldur þriggja flokka stjórn en fjögurra, segja viðmælendur Fréttablaðsins. Nokkurrar kergju gætir í garð Framsóknarflokksins eftir að slitnaði upp úr viðræðum vinstri flokkanna síðastliðinn mánudag og traustið milli Katrínar og forystumanna Framsóknarflokksins er brothættara en verið hefur, herma heimildir blaðsins. Þrátt fyrir að mesti þunginn sé í samræðum Vinstri grænna og Sjálfstæðisflokks, eru forystumenn flestra flokka mjög að tala saman, ýmist á fundum eða í síma. Þótt minna fari fyrir Miðflokknum en áður er Sigmundur Davíð alls ekki útilokaður frá þátttöku í ríkisstjórn og hafa bæði Bjarni Benediktsson og Katrín átt við hann samtöl á allra síðustu dögum. Beðið er enn átekta með ákvörðun um þingsetningu en þótt stutt sé liðið frá kosningum er skammur tími til afgreiðslu fjárlaga. „Ef línur verða ekki farnar að skýrast þegar líður á næstu viku eða í lok næstu viku, þá náttúrulega þurfa menn að fara að undirbúa mögulega þingsetningu með eða án ríkisstjórnar,“ segir Steingrímur J. Sigfússon, sitjandi forseti Alþingis, og bætir við: „Jafnvel þótt ný ríkisstjórn yrði til fljótlega upp úr því þá er viðbúið að ný stjórn vilji fá einhverja daga til að formera sig og hugsanlega setja sitt mark á fjárlagafrumvarp, en þá þyrfti engu að síður að fara að undirbúa að þing kæmi saman.“ Þrátt fyrir að ekki liggi fyrir hvenær Alþingi verður sett er undirbúningur fyrir þingstörfin að komast á skrið. Nýir alþingismenn hittast á Alþingi í dag og fá kynningu um þinghúsið og þingstörfin. Þá hefur fyrsti fundur formanna þingflokka með forseta verið boðaður á morgun, fimmtudag. Á fundinum verður farið yfir það sem fram undan er; skipan fastanefnda og önnur praktísk atriði sem tengjast upphafi þingstarfa að afloknum kosningum. Tíminn fer nú að verða knappur til fjárlagavinnu en þingið þarf að afgreiða fjárlög fyrir áramót. Eftir haustkosningarnar í fyrra tókst með naumindum að samþykkja fjárlög fyrir jól en þing var ekki kallað saman fyrr en 6. desember og voru fjárlög afgreidd á rúmum tveimur vikum án þess að ríkisstjórn hefði verið mynduð. Verði stjórn ekki mynduð á allra næstu vikum verður þing kallað saman án ríkisstjórnar og mun þá Benedikt Jóhannesson, sem féll af þingi í nýafstöðnum kosningunum, stíga í ræðustól Alþingis og mæla fyrir fjárlagafrumvarpi, sem skylt er, enda er hann enn og verður fjármálaráðherra í starfsstjórn þar til forseti veitir sitjandi ráðherrum lausn og skipar nýja í þeirra stað.
Alþingi Birtist í Fréttablaðinu Kosningar 2017 Mest lesið Vélfagsmönnum heitt í hamsi á fundi Viðreisnar Innlent Fundinum lokið án niðurstöðu Innlent Kynna fyrsta húsnæðispakka ríkisstjórnarinnar Innlent Ódæði eftir fall El Fasher: Blóðið sýnilegt úr geimnum Erlent Lögreglumenn svekktir að sjá hversu margir hundsuðu fyrirmæli í gær Innlent Lögreglumenn hundfúlir með bruðl ríkislögreglustjóra Innlent Svona lítur fyrsti húsnæðispakki ríkisstjórnarinnar út Innlent Íslensk stúlka í klóm 764 hvött til sjálfsskaða og ofbeldis Innlent Þurftu að halda peppfund á lygilegum óhappadegi Innlent Gera ekki tilkall til höfuðborgartitils þótt Akureyri verði borg Innlent Fleiri fréttir Ekið á unga stúlku á Ásbrú Skjálfti í Bárðarbungu mældist um fjórir að stærð Boða róttækar breytingar á byggingarreglugerð Draga úr skattfrelsi fólks sem safnar íbúðum Svona lítur fyrsti húsnæðispakki ríkisstjórnarinnar út Vandræðamál hjá Hafró og Landspítala bera af í fjölda og kostnaði Snjóhengjur geti skapað hættu Tugir ökumanna í vandræðum á Suðurnesjum Vélfagsmönnum heitt í hamsi á fundi Viðreisnar Góður grunnur en ekki nóg til að opna Þurftu að halda peppfund á lygilegum óhappadegi Lokuðu veginum um Kjalarnes vegna veðurs Fundinum lokið án niðurstöðu Kynna fyrsta húsnæðispakka ríkisstjórnarinnar Leita konu sem ók á konu og stakk af Metfjöldi árekstra í ófærðinni í gær og Vélfagsmenn tóku yfir fund Viðreisnar „Græna gímaldið“ fer ekki fet Gera ekki tilkall til höfuðborgartitils þótt Akureyri verði borg Hóflega bjartsýnn á viðræður dagsins Lögreglumenn hundfúlir með bruðl ríkislögreglustjóra Lögreglumenn svekktir að sjá hversu margir hundsuðu fyrirmæli í gær Skjálfti 3,2 að stærð í Mýrdalsjökli Snjómokstur í fullum gangi en verkið er viðamikið Íslensk stúlka í klóm 764 hvött til sjálfsskaða og ofbeldis Hálka á höfuðborgarsvæðinu og Hellisheiði Ástæða fyrir því að genaumræðan hafi ekki náð mikilli útbreiðslu Ráðgjafinn ráðinn tveimur dögum eftir að grennslast var fyrir um málið Vesturbæjarlaug opnuð enn eina ferðina eftir viðgerðir Verklagi ábótavant og krefur ríkislögreglustjóra skýringa Mæla með því að farþegar reiði sig ekki á tímaáætlanir Sjá meira