Hallbera á heimleið

Landsliðskonan Hallbera Guðný Gísladóttir hefur ákveðið að hætta að spila með Djurgarden í Svíþjóð og koma heim.

Hún á eftir að spila tvo leiki með liðinu áður en hún pakkar saman og flytur heim á nýjan leik.

Hallbera segir við Morgunblaðið að þetta sé fínn tímapunktur til þess að koma heim og byrja að vinna en hún kláraði nám í viðskiptafræði síðasta vor.

Landsliðskonan mun því aðeins ná einu ári með Djurgarden en hún fór þangað frá Blikum. Hún hefur einnig leikið með Piteå í Svíþjóð og Torres á Ítalíu. Hún hefur ekki tekið ákvörðun með hvaða liði hún ætlar að spila á Íslandi.