Frábær endurkoma hjá U-21 árs liðinu

Íslenska U-21 árs liðið vann magnaðan 2-3 sigur á Eistum í undankeppni EM í kvöld.

Eistland komst í 2-0 í leiknum en íslenska liðið neitaði að gefast upp og kom til baka.

Albert Guðmundsson skoraði fyrsta mark íslenska liðsins á 56. mínútu og Hans Viktor Guðmundsson jafnaði svo leikinn á 74. mínútu. Það var svo Óttar Magnús Karlsson sem tryggði Íslandi öll stigin með marki tíu mínútum fyrir leikslok.

Ísland er með sjö stig eftir fimm leiki í riðlinum og er í þriðja sæti.

Byrjunarlið Íslands:

Sindri Kristinn Ólafsson (m)

Alfons Sampsted

Felix Örn Friðriksson

Hans Viktor Guðmundsson

Axel Andrésson

Mikael Anderson

Júlíus Magnússon

Samúel Kári Friðjónsson

Tryggvi Hrafn Haraldsson

Albert Guðmundsson (fyrirliði)

Jón Dagur Þorsteinsson