Ævar Ingi kom Stjörnunni í úrslitaleikinn

Stjörnumenn tryggðu sér sæti í úrslitaleik Bose mótsins í kvöld þegar liðið vann 1-0 sigur á Fjölni í Egilshöllinni.

Ævar Ingi Jóhannesson skoraði eina mark leiksins á 22. mínútu með skalla eftir fyrirgjöf frá Hilmari Árna Halldórssyni.

Stjörnumenn voru sterkari aðilinn og Þórður Ingason, markvörður Fjölnis, bjargaði sínu liði frá stærra tapi.

Bæði liðin höfðu unnið leiki sína á móti FH og sigurvegari leiksins tryggði sér því sæti í úrslitaleiknum.

Stjarnan mætir líklegt Blikum í úrslitaleiknum en það kemur þó ekki hundrað prósent í ljós fyrr en eftir leik Blika og KR-inga seinna í kvöld.

Fjölnismenn spila aftur á móti um þriðja sætið en FH rak lestina í riðlinum.