Guðjón ráðinn til H:N Markaðssamskipta

Guðjón Ólafsson hefur verið ráðinn sem birtingastjóri hjá H:N Markaðssamskiptum. Guðjón hefur undanfarin ár starfað sem viðskipta-og sölustjóri á auglýsingadeild Pressunnar. Áður starfaði hann sem blaðamaður á Pressunni. Þetta kemur fram í tilkynningu frá fyrirtækinu.

„Það er gríðarlegur fengur fyrir okkur að fá Guðjón til starfa því þrátt fyrir ungan aldur hefur hann mikla reynslu, bæði af auglýsingum og blaðamennsku,“ segir Ingvi Jökull Logason, framkvæmdastjóri H:N Markaðssamskipta. „Guðjón er kærkominn viðbót við þann frábæra mannauð sem hér starfar.“

Guðjón er með BA-gráðu í félags-og fjölmiðlafræði frá Háskóla Íslands.