Stefán Árni nýr forstjóri Límtré Vírnets

Stefán Árni Einarsson er nýr forstjóri Límtré Vírnets Tekur hann við starfinu af Stefáni Loga Haraldssyni sem verið hefur framkvæmdastjóri fyrirtækisins frá árinu 1999.

Stefán Árni hefur starfað hjá Húsasmiðjunni frá árinu 2007, fyrst sem framkvæmdastjóri innkaupa- og vörustýringarsviðs og frá árinu 2012 sem framkvæmdastjóri fagsölusviðs. Áður starfaði hann sem framkvæmdastjóri innkaupadeildar ÍAV frá 2004-2007, framkvæmdastjóri verktakafyrirtækisins Gamlhús 2002-2004 og þar áður framkvæmdastjóri Bílanausts frá 2000-2002.

Stefán Árni lauk námi í byggingatæknifræði frá Tækniskóla Íslands árið 1997 og meistaragráðu í byggingaverkfræði frá Lunds Tekniska Högskola í Svíþjóð árið 1991 með framkvæmdastjórn og áætlunargerð sem sérsvið.

Stefán er giftur Sigurrós Ragnarsdóttir, félagsráðgjafa og eiga þau saman 4 börn.

Límtré Vírnet er íslenskt iðnfyrirtæki sem sér um framleiðslu og sölu á vörum fyrir íslenskan byggingariðnað. Starfsstöðvar Límtré Vírnets eru á þremur stöðum á landinu, á höfuðborgarsvæðinu, í Borgarnesi og á Flúðum. Fyrirtækið er nú um þessar mundir að flytja starfsemi sína, á höfuðborgarsvæðinu, í nýjar höfuðstöðvar að Lynghálsi 2, í Reykjavík.