Viðreisn kynnir framboð í Hafnarfirði

Viðreisn í Hafnarfirði hefur kynnt framboðslista sinn fyrir sveitarstjórnarkosningarnar 26. maí 2018. Jón Ingi Hákonarson leiðir listann, Vaka Ágústsdóttir er í öðru sæti og þröstur Emilsson í því þriðja.

Í tilkynningu frá flokknum segir að Viðreisn sé frjálslynt stjórnmálaafl sem leggur áherslu á jafnrétti og jöfn tækifæri allra, frelsi til orðs og athafna sem heftir ekki frelsi annarra. Markmið Viðreisnar sé að berjast fyrir réttlátu samfélagi, fjölskylduvænna samfélagi og virkja almenning til áhrifa. Flokkurinn vilji virkja lýðræðið og setja almannahagsmuni ávallt framar sérhagsmunum.

Sveitarstjórnarkosningar fara fram þann 26. maí. Framboð geta sent upplýsingar um lista ásamt mynd á ritstjorn@visir.is.

1. Jón Ingi Hákonarson, ráðgjafi í starfsendurhæfingu, MBA

2. Vaka Ágústsdóttir, ráðningar- og þjálfunarstjóri LS Retail

3. Þröstur Emilsson, framkvæmdastjóri, formaður velferðarnefndar Viðreisnar

4. Sunna Magnúsdóttir, viðskiptafræðingur

5. Árni Stefán Guðjónsson, grunnskólakennari og handboltaþjálfari

6. Auðbjörg Ólafsdóttir, yfirmaður fjárfestatengsla og samskipta

7. Ómar Ásbjörn Óskarsson, varaþingmaður og markaðssérfræðingur

8. Þórey S. Þórisdóttir, doktorsnemi í viðskiptafræði, formaður Viðreisnar í Hafnarfirði

9. Hrafnkell Karlsson, menntaskólanemi og fráf. formaður Hinsegin félagsins Bur í MH

10. Harpa Þrastardóttir, verkfræðinemi og umhverfis- og gæðastjóri

11. Daði Lárusson, félags- og viðskiptafræðingur og markmannsþjálfari

12. Edda Möller, útgáfustjóri Skálholtsútgáfunnar

13. Jón Garðar Snædal Jónsson, byggingafræðingur

14. Ásta Rut Jónasdóttir, stjórnmálafræðingur

15. Þorvarður Goði Valdimarsson, almannatengill

16. Lilja Margrét Olsen, lögfræðingur

17. Þorsteinn Elí Halldórsson, framkvæmdastjóri

18. Sóley Eiríksdóttir, sagnfræðingur

19. Halldór Halldórsson, öryrki

20. Kristín Pétursdóttir, hagfræðingur

21. Benedikt Jónasson, múrari

22. Þorgerður Katrín Gunnarsdóttir, alþingismaður