Sjáðu mistök Ulreich sem kostuðu Bayern sigurinn

Karem Benzema skoraði bæði mörk Real Madrid í jafnteflinu við Bayern München sem skilaði Real í þriðja úrslitaleik Meistaradeildar Evrópu í röð. Benzema getur þó þakkað markverði Bayern fyrir seinna markið.

Gestirnir í Bayern komust yfir strax á þriðju mínútu leiksins þegar Joshua Kimmich skoraði en Benzema jafnaði stuttu seinna.

Í upphafi seinni hálfleiks gerði Sven Ulreich, markvörður Bayern, sig svo sekann um hrikaleg mistök sem gáfu Benzema og Real annað markið á silfurfati.

James Rodriguez jafnaði leikinn fyrir Bayern en það dugði ekki til því Real vann fyrri leikinn í Þýskalandi og er komið í úrslitin.

Öll mörk leiksins sem og önnur helstu atvik má sjá í sjónvarpsglugganum með fréttinni.