Fótbolti

Karius: Við komum sterkari til baka

Einar Sigurvinsson skrifar
Loris Karius brotnaði niður í leikslok í gær.
Loris Karius brotnaði niður í leikslok í gær. getty
„Ég hef í rauninni ekkert sofið. Atvikin eru enn að renna í gegnum huga mér, aftur og aftur,“ segir Loris Karius, markvörður Liverpool, á Twitter síðu sinni í dag. Karius gerðist sekur um skelfileg mistök sem gáfu Real Madrid tvö mörk, í úrslitaleik Meistaradeildar Evrópu í gær.

„Ég biðst innilegrar afsökunar, til liðsfélaga minni, til ykkar stuðningsmannanna og til starfsfólksins. Ég veit að ég klúðraði þessu með mínum mistökum og brást ykkur öllum,“ segir Karius.

„Ég vildi óska þess að ég gæti farið aftur í tíma, en það er ekki í boði. Það sem gerir þetta enn verra er að okkur leið öllum eins og við gætum unnið Real Madrid og við vorum lengi inni í leiknum.“

Þá lætur Karius í ljós þakklæti til stuðningsmanna Liverpool.

„Kærir þakkir til ykkar ótrúlegu stuðningsmanna sem mættuð til Kiev og stóðuð við bakið á mér, meira að segja eftir leikinn. Ég tek því ekki sem sjálfsögðum hlut og það hefur sýnt mér enn á ný hversu stór fjölskylda við erum.“

Hann sendir að lokum skýr skilaboð um að hann sé hvergi banginn eftir leik gærdagsins.

„Þakka ykkur fyrir, við komum sterkari til baka.“







Meistaradeild Evrópu

Tengdar fréttir

Karius bað stuðningsmenn Liverpool afsökunar

Loris Karius átti slæman dag er Liverpool tapaði 3-1 fyrir Real Madrid í úrslitaleik Meistaradeildarinnar en Karius gerði slæm mistök í tveimur mörkum Real.

Mest lesið


Fleiri fréttir

Sjá meira


×

Mest lesið