Leik Þórs/KA og Stjörnunnar frestað um 45 mínútur

Leik Þórs/KA og Stjörnunnar í Mjólkurbikar kvenna sem átti að hefjast klukkan 16:30 í dag hefur verið frestað vegna samgönguerfiðleika um tæpan klukkutíma og er nýr leiktími klukkan 17:15.

Leikurinn er sá síðasti í 16-liða úrslitum Mjólkurbikarsins og jafnframt stórleikur umferðarinnar. Hann verður í beinni útsendingu á Stöð 2 Sport 2.

Þegar leik lýkur verður dregið í 8-liða úrslitin, einnig í beinni útsendingu og opinni dagskrá á Stöð 2 Sport 2. Þá verður sýnt beint frá drættinum hér á Vísi.

Stjarnan fór alla leið í úrslitaleikinn á síðasta tímabili þar sem liðið tapaði fyrir ÍBV. Stjörnukonur slógu þá Þór/KA út í 8-liða úrslitum. Þór/KA er ríkjandi Íslandsmeistari.