Myndasyrpa frá mikilvægum sigri stelpnanna okkar

Stelpurnar okkar í kvennalandsliðinu í fótbolta unnu afar mikilvægan 2-0 sigur á Slóveníu í undankeppni HM 2019 en leikur liðanna fór fram á Laugardalsvelli í kvöld.

Staðan var markalaus í hálfleik en í síðari hálfleik skoraði miðvörðurinn, Glódís Perla Viggósdóttir, bæði mörk Íslands. Eftir brösugan fyrri hálfleik náðu stelpurnar sér á strik í síðari hálfleik og náðu inn tveimur mörkum.

Sjá einnig:„Íslendingar takið 1. september frá. Við verðum öll að hjálpast að“

Með sigrinum er Ísland komið í efsta sæti riðilsins á nýjan leik. Þann fyrsta september spilar liðið svo hreinan úrslitaleik við Þýskaland en með sigri í þeim leik á Laugardalsvelli er Ísland komið á HM 2019 í Frakklandi.

Andri Marinó Karlsson, ljósmyndari Vísis, var með myndavélina á lofti í Laugardalnum í kvöld. Myndasyrpu hans má sjá hér að neðan.