Senegal er fyrsta liðið í sögu HM sem dettur út á gulum spöldum

Yerry Mina tryggði Kólumbíu 1-0 sigur á Senegal og um leið efsta sæti H-riðilsins og sæti í sextán liða úrslitum HM í Rússlandi. Kólumbía fer áfram í sextán liða úrslitin ásamt Japan.

Dramatíkin var rosaleg á lokadegi H-riðils en annan daginn í röð kemst lið áfram þrátt fyrir tap í lokaleiknum sínum. Japanskir áhorfendur fengu að fagna eftir tapleik í dag alveg eins og Mexíkóar í dag.

Senegal var með nákvæmlega sama árangur og Japan en situr eftir á fleiri gulum spjöldum. Sengalar fengu sex gul spjöld í leikjunum þremur en Japanar aðeins fjögur. Senegal er fyrsta liðið í sögu HM sem dettur úr leik á háttvísistigum.

Yerry Mina hefur verið betri en enginn fyrir Kólumbíu á þessu HM en miðvörðurinn skoraði einnig fyrsta markið í 3-0 sigrinum á Póllandi í leiknum á undan. Bæði mörkin hafa komið með skalla eftir föst leikatriði.

This is the 1st time since 1982 that no African team advanced from the Group Stage at the #WorldCup

2018 World Cup Round of 16 Teams By Confederation

UEFA                10

CONMEBOL      4

CONCACAF       1

AFC                   1

— ESPN Stats & Info (@ESPNStatsInfo) June 28, 2018

Kólumbíumenn urðu fyrir áfalli í fyrri hálfleik þegar stórstjarnan James Rodríguez fór meiddur af velli. HM gæti verið búið hjá honum og vonbrigðin leyndu sér ekki.

Bæði liðin tóku litla áhættu og þetta var rólegur leikur. Senegal var samt betra liðið í fyrri hálfleik en Kólumbíumenn voru sterkari í seinni hálfleiknum.

Sigurmark Yerry Mina kom á 74. mínútu þegar hann skallaði inn hornspyrnu Juan Fernando Quintero. Kólumbía var samt inni þegar markið kom því Pólverjar höfðu hjálpað þeim með að komast yfir á móti Japan.

Quick Group H Recap: Colombia wins the group and Japan advances over Senegal on Fair Play tiebreaker with TWO FEWER YELLOW CARDS! pic.twitter.com/xpqQ41y0NA

— CBS Sports (@CBSSports) June 28, 2018

Kóumbíumenn hjálpuðu því meira Japan en sér sjálfum með þessu marki en markið þýddi jafnfram að Senegal þurfti að skora tvö mörk til að senda Kólumbíu heim.

Senegalar virkuðu hálf orkulausir í lokin og náðu aldrei að setja almennilega pressu á kólumbíska liðið. Fyrir vikið rann leiktíminn út og sæti þeirra í sextán liða úrslitum rann út í sandinn á grátlegan og sögulegan hátt.