Hundrað kílóa hnullungur hafnaði næstum á konu við Grátmúrinn

Litlu mátti muna að illa færi þegar 100 kílóa hnullungur féll úr Grátmúrnum í borginni Jerúsalem í dag. Steinninn hafnaði í aðeins nokkurra metra fjarlægð frá konu sem sat á bæn við múrinn

„Ég heyrði hvorki né fann neitt þangað til hann lenti rétt við fætur mér,“ sagði hin 79 ára gamla Daniella Goldberg í samtali við fjölmiðla í dag.

Atvikið náðist á myndband, sem farið hefur eins og eldur í sinu um netheima í dag, og hafa miðlar á borð við The Guardian og BBC fjallað um málið. Í myndbandinu sést hvernig hnullungurinn fellur úr um sjö metra hæð og lendir á jörðinni, skammt frá Goldberg.

Yfirvöld í Ísrael segja veðrun líklega hafa valdið því að grjótið losnað úr Grátmúrnum sem er einn helgasti staður gyðinga.

Myndband af atvikinu má sjá hér að neðan.