Fótbolti

Þetta eru þjóðirnar átján sem hafa farið upp fyrir Ísland á FIFA-listanum síðan í mars

Óskar Ófeigur Jónsson skrifar
Gylfi Þór Sigurðsson og félagar í íslenska landsliðinu eru á leið niður FIFA-listann eftir tvö stór töp í Þjóðadeildinni.
Gylfi Þór Sigurðsson og félagar í íslenska landsliðinu eru á leið niður FIFA-listann eftir tvö stór töp í Þjóðadeildinni. Vísir/Getty
Íslenska fótboltalandsliðið er í 36. sæti á nýjum FIFA-lista en nýjasti styrkleikalisti Alþjóðaknattspyrnusambandsins var gefinn út í morgun.

Vísir hafði áður sagt frá því að íslenska karlalandsliðið myndi halda áfram að falla niður listann.

Íslenska landsliðið tapaði fyrstu tveimur leikjum sínum í Þjóðadeildinni með markatölunni 0-9. Fyrst 6-0 á móti Sviss í St. Gallen og svo 3-0 á móti Belgum á Laugardalsvelli.

Ekkert félag inn á topp 36 á FIFA-listanum féll niður um fleiri sæti á þessum lista en Ísland gerði núna. Eitt annað landslið inn á topp fimmtíu fór niður um fleiri sæti en Kosta Ríka menn duttu niður um fimm sæti. Þeir eru í 37. sætinu eða einu sæti á eftir Íslandi.

Þetta 36. sæti þýðir að íslenska landsliðið hefur fallið niður um fjórtán sæti á tveimur mánuðum og alls niður um átján sæti á aðeins hálfu ári. Íslenska landsliðið var í 18. sæti á FIFA-listanum í mars og hefur aldrei verið ofar.

Þjóðirnar átján sem hafa komist upp fyrir Ísland á FIFA-listanum síðan í mars eru eftirtaldar en sæti þeirra í dag er innan sviga.

Upp fyrir Ísland á FIFA-listanum á sex mánuðum:

Úrúgvæ (5. sæti)

Svíþjóð (15. sæti)

Holland (17. sæti)

Wales  (19. sæti)

Bandaríkin (22. sæti)

Túnis (23. sæti)

Austurríki (24. sæti)

Senegal (25. sæti)

Slóvakía (26. sæti)

Rúmenía (27. sæti)

Norður Írland (28. sæti)

Úkraína (29. sæti)

Írland (30. sæti)

Paragvæ (31. sæti)

Venesúela (32. sæti)

Íran (33. sæti)

Bosnía (34. sæti)

Serbía (35. sæti)

Belgía og Frakkland eru nú efst og jöfn í efsta sæti listans. Belgar komust því á toppinn með sigrinum á Íslandi á Laugardalsvellinum.





Englendingar eru áfram í sjötta sætinu en Spánverjar eru í 9. sæti og fimm sætum neðar en Króatar (4. sæti). Spánn vann samt 6-0 sigur á Króatíu í Þjóðadeildinni á dögunum.

Svíar eru í 15. sætinu og detta niður um tvö sæti. Lars Lagerbäck er síðan kominn með norska landsliðið upp í 52. sæti listans.

Lars Lagerbäck tók við norska landsliðinu í 81. sæti FIFA-listans í febrúar 2017 og hefur því þegar farið með liðið upp um 29 sæti.

Staða Norðurlandaþjóðanna á FIFA-listanum:

10. sæti - Danmörk

15. sæti - Svíþjóð

36. sæti - Ísland

52. sæti - Noregur

58. sæti - Finnland

92. sæti - Færeyjar



Fótbolti HM 2018 í Rússlandi

Tengdar fréttir

Íslensku strákarnir í frjálsu falli á FIFA-listanum

Hrun íslenska fótboltalandsliðsins á FIFA-listanum mun halda áfram á næsta lista sem verður gerður opinber eftir viku. Eftir úrslit síðustu leikja þarf þetta ekki að koma á óvart.

Mest lesið


Fleiri fréttir

Sjá meira


×

Mest lesið