Lík brasilísks úr­vals­deildar­leik­manns fannst nærri af­höfðað

Brasilíski knattspyrnumaðurinn Daniel Correa Freitas, sem spilað hefur með Sao Paulo í brasilísku úrvalsdeildinni, fannst látinn í bænum Sao Jose dos Pinhais í suðurhluta landsins á laugardagskvöld.

Brasilískir fjölmiðlar segja að Correa Freitas hafi verið nærri afhöfðaður og að kynfæri hans hafi verið sundurskorin.

Félagið staðfesti í morgun andlát hins 24 ára Correa Freitas. „Félagið sendir fjölskyldu leikmannsins samúðarkveðjur,“ segir í tísti frá félaginu.

Brasilíska blaðið Band B segir að svo virðist sem að Correa Freitas hafi verið fórnarlamb pyndingar. Hafi hann verið með tvo djúpa skurði á hálsi þannig að hann var nærri afhöfðaður. Vegfarendur gengu fram á líkið.

Correa Freitas spilaði sem sóknarsinnaður miðjumaður og lék með liði Botafogo áður en hann gekk til liðs við Sao Paulo árið 2015.

O São Paulo Futebol Clube lamenta profundamente a morte do meio-campista Daniel Corrêa Freitas. O clube se solidariza e presta condolências à família do atleta.

— São Paulo FC (@SaoPauloFC) October 29, 2018