Mourinho mættur á völlinn hjá strákunum okkar

José Mourinho, knattspyrnustjóri Manchester United, er mættur til Brussel að fylgjast með leik Belgíu og Íslands í Þjóðadeild UEFA sem hefst klukkan 19.45 í kvöld.

Mourinho situr í heiðursstúkunni á King Badoin-velinum með derhúfu og lætur lítið fyrir sér fara en hann komst ekki hjá því að sitja fyrir á bolamynd með Magnúsi Gylfasyni, landsliðsnefndarmanni KSÍ.

Enginn United-maður er í hópnum hjá Belgíu að þessu sinni þar sem að Lukaku er meiddur og Fellaini er að reyna að ná sér heilum en Mourinho hefur lengi verið orðaður við kaup á Toby Alderweireld.

Leikur Íslands og Belgíu er í beinni útsendingu á Stöð 2 Sport en beina textalýsingu má finna hér.