Milan hafði betur gegn Atalanta

AC Milan vann sterkan útisigur á Atalanta í ítölsku Seria A deildinni í fótbolta í kvöld.

Fyrir leikinn voru liðin í 4. og 5. sæti deildarinnar, AC var með eins stigs forskot á Atalanta.

Það voru heimamenn sem byrjuðu betur þegar Remo Freuler kom þeim yfir á 33. mínútu. Krzysztof Piatek jafnaði hins vegar metin fyrir gestina frá Mílanó í uppbótartíma fyrri hálfeiks.

Hakan Calhanoglu kom gestunum yfir snemma í seinni hálfeik og lagði svo upp þriðja markið fyrir Piatek stuttu seinna.

Mörkin þrjú komu úr einu þremur skotum Milan í átt að marki. Atalanta átti fleiri færi en náði ekki að nýta þau og þurfti því að sætta sig við tap.