Khedira frá í mánuð vegna hjartavandamála

Juventus greindi frá því í gær að miðjumaðurinn Sami Khedira væri með óreglulegan hjartslátt og þyrfti að taka sér frí vegna veikindanna.

Hann gat því ekki spilað með félögum sínum gegn Atletico í Meistaradeildinni í gær. Hann eyddi deginum í ítarlegum rannsóknum.

„Allt gekk frábærlega og ég kem til baka eftir smá hvíld. Þakka fyrir allar góðu kveðjurnar,“ skrifaði Khedira á Twitter.

Juventus gaf svo frá sér yfirlýsingu þar sem fram kemur að Khedira verði að hvíla í mánuð.