Enginn leikmaður Everton safnað fleiri stigum í Fantasy en Gylfi

Gylfi Þór Sigurðsson hefur farið á kostum í liði Everton á leiktíðinni en hann hélt uppteknum hætti gegn Manchester United um helgina.

Gylfi skoraði eitt mark og lagði upp fjórða mark Everton fyrir Theo Walcott í 4-0 sigri þeirra bláklæddu á lánlausu liði Manchester United á sunnudaginn.

Sky Sports tekur saman Fantasy-lið vikunnar eftir hverja umferð en Fantasy er skemmtilegur stjóraleikur í kringum enska boltann. Gylfi er þar í liði umferðarinnar þessa vikuna.

„181 stig Gylfa í Fantasy eru meira en nokkur Everton leikmaður hefur fengið í ár en þessi stig hafa komið frá þrettán mörkum, fimm stoðsendingum og verið fimm sinnum maður leiksins,“ skrifar í umsögninni um Gylfa.

Fantasy-lið vikunnar:

Sergio Rico - 15 stig

Joel Matip - 15 stig

Shane Duffy - 12 stig

Conor Coady - 10 stig

Ryan Bennett - 10 stig

Lucas Digne - 14 stig

Gylfi Sigurðsson - 16 stig

Gerard Deulofeu - 21 stig

Michail Antonio - 13 stig

Christian Benteke - 10 stig

Ayoze Perez - 24 stig