Aðeins níu prósent stuðningsmanna Real Madrid vilja halda Bale

Það er ekki bara þjálfarinn Zinedine Zidane sem vill ekkert með Gareth Bale hafa á næstu leiktíð Real Madrid liðsins. Stuðningsmenn félagsins hafa líka látið sína skoðun í ljós.

Það er búist við miklum breytingum á leikmannahópi Real Madrid í sumar eftir skelfilegt tímabil þar sem liðið fór í gegnum þrjá þjálfara og var hvergi nálægt því að vinna titil.

Spænska íþróttablaðið AS gerði því könnun á því hvaða leikmönnum stuðningsmenn Real Madrid vilja halda og hvaða leikmenn þeir vilja losna við.

Mikil þátttaka var í þessari skoðanakönnun en alls fékk AS fimm milljónir atkvæða í henni.

Five million Real Madrid fans have voted on which players should stay and go this season...

24th - Gareth Bale (9% approval)

17th - Toni Kroos (36% approval)

10th - Thibaut Courtois (65% approval)

? 1st - Dani Carvajal (92% approval)#RMCFhttps://t.co/2PdXAjtnaZ

— GiveMeSport Football (@GMS__Football) May 21, 2019

Þetta var erfitt tímabil fyrir menn eins og Gareth Bale, Marcelo, Isco og Mariano Diaz. Þeir koma líka illa út úr þessari skoðunarkönnun en enginn þó verr en sá velski.

Aðeins níu prósent stuðningsmanna Real Madrid vilja halda Gareth Bale og skipar hann 24. og síðasta sætið á lista AS. Næsti maður fyrir ofan hann er Mariano Diaz en hann fékk þó 24 prósent stuðning.

Allir hjá Real Madrid tala um að Gareth Bale verði að fara en hann á enn eftir þrjú ár eftir af samningi sínum og það eru fá félög sem geta borgað eins há laun eins og hann fær frá spæsnska stórliðinu.

Dani Carvajal er vinsælastur en hann fékk 92 prósent stuðning og þá var brasilíska undrabarnið Vinicius Junior með 89 prósent stuðning. Fyrirliðinn Sergio Ramos er ekki alveg óumdeildur því hann fékk „bara“ 84 prósent stuðning.

Keylor Navas (76%) fékk líka mun meiri stuðning en Thibaut Courtois (65%) en belgíski markvörðurinn átti mjög erfitt fyrsta tímabil hjá Real Madrid eftir að hafa verið keyptur sem einn af bestu markvörðum heims.

Hér fyrir neðan má sjá allan listann:

1. Dani Carvajal - 92%

2. Vinicius Junior - 89%

3. Sergio Ramos - 84%

4. Brahim Diaz - 83%

5. Alvaro Odriozola - 82%

6. Sergio Reguilon - 81%

7. Keylor Navas - 76%

8. Raphael Varane - 75%

9. Karim Benzema - 72%

10. Thibaut Courtois - 65%

11. Luka Modric - 63%

12. Nacho Fernandez - 60%

13. Casemiro - 59%

14. Fede Valverde - 59%

15. Marcos Llorente - 59%

16. Lucas Vazquez - 52%

17. Toni Kroos - 36%

18. Jesus Vallejo - 36%

19. Marcelo - 33%

20. Isco - 31%

21. Dani Ceballos - 30%

22. Luca Zidane - 28%

23. Mariano Diaz - 24%

24. Gareth Bale - 9%