Þór þokast nær toppnum

Þór er komið upp í annað sæti Inkasso-deildar karla eftir 3-0 sigur á spútnikliði Fram norðan heiða í dag.

Aron Elí Sævarsson, sem gekk í raðir Þórs á láni fyrr í vikunni, skoraði fysrta markið á 36. mínútu en skömmu áður hafði Jökull Steinn Ólafsson, Framari, fengið beint rautt.

Staðan var 1-0 í hálfleik en á 67. mínútu tvöfaldaði Jónas Björgin Sigurbergsson forystuna. Jakob Snær Árnason bætti við marki áður en yfir lauk og lokatölur 3-0.

Þór er í öðru sæti deildarinnar með nítján stig en Fram er í fjórða sæti deildarinnar með 17 stig. Bæði lið hafa leikið tíu leiki.

Fyrsta mark leiksins má sjá hér að ofan.