Everton borgar innan við tíu milljónir fyrir Englandsmeistara

Allt stefnir í að Fabian Delph verði samherja Gylfa Sigurðssonar hjá Everton á næstu leiktíð en Everton og Manchester City hafa náð samkomulagi um kaup og sölu á Delph.

Talið er að Everton borgi rúmlega átta milljónir punda í fyrstu greiðsli fyrir Englendinginn en mest geti verðið á Delph farið upp í tíu milljónir, eftir því hvernig hann stendur sig.

Everton closing in on deal for Fabian Delph. Negotiations continuing with Man City. Fee could be in region of £8m. Everton believe he will bring leadership to team.

— paul joyce (@_pauljoyce) July 12, 2019

Delph var á leið á sitt síðasta tímabil af samningi sínum hjá City og komur Rodri og Angelino til Englandsmeistaranna munu ekki hjálpa Delph að fá meiri spilatíð.

Á síðustu leiktíð spilaði Delph ellefu leiki í úrvalsdeildinni en árið þar á undan spilaði hann 22 leiki. Hann er 29 ára gamall og á að baki 20 A-landsleiki fyrir England.