Með stera í leikfangakössum

Lögreglan á Suðurnesjum handtók nýverið erlenda konu sem stöðvuð var af tollvörðum í Flugstöð Leifs Eiríkssonar. Hún var með umtalsvert magn af sterum með sér sem búið var að koma fyrir í þremur vel innpökkuðum leikfangakössum sem konan var með í ferðatösku sinni.

Samkvæmt tilkynningu frá lögreglunni voru leikfangakassarnir fullir af töflum og ampúlum.

Konan viðurkenndi að um stera væri að ræða og sætir hún tilkynningarskyldu meðan hún dvelur hér á landi.