Erlendur ferðamaður braut rúðu ber að ofan

Lögreglan á höfuðborgarsvæðinu handtók erlendan ferðamann eftir að tilkynnt var um að maður væri að brjóta rúðu í húsi við Skúlagötu á fjórða tímanum í nótt.

Maðurinn reyndist vera ber og ofan og í annarlegu ástandi og var hann handtekinn og vistaður í fangageymslu vegna rannsóknar málsins.

Þá hafði lögregla einnig afskipti af manni sem reyndist vera í annarlegu ástandi í miðborg Reykjavíkur. Var hann á ferð með ólarlausan schäfer-hund. Var manni og hundi ekið heim og má maðurinn búast við kæru vegna brots á lögreglusamþykkt, að því er segir í dagbók lögreglu.