Lukka sú fjórða besta á Norðurlöndum

Lukka Mörk Sigurðardóttir hafnaði í fjórða sæti í flokki stúlkna á Norðurlandamótinu í klifri sem fram fór í Helsinki í Finnlandi um helgina. Níu klifrarar kepptu fyrir hönd Íslands á mótinu en alls voru um 180 keppendur.

Lukka náði bestu árangri Íslendinga með því að landa fjórða sætinu af 38 keppendum í flokki stúlkna. Hún var ein sjö íslenskra keppenda í yngri flokkum.

Kjartan Jónsson hafnaði í áttunda sæti í flokki fullorðinna en hann var annar tveggja íslenskra keppenda í þeim flokki.

Elmar Orri Gunnarsson, þjálfari íslenska hópsins, telur íslenskt klifurfólk fyllilega fært um að skipa sér sess meðal hinna fremstu í íþóttinni. Aðstöðuleysi hamli íslensku klifurfólki en keppnin um helgina fór fram í glæsilegum klifurhúsum í Helsinki.