Samkomulag Kína og Bandaríkjanna um að vinda ofan af tollum

Kínversk stjórnvöld segjast hafa náð saman við Bandaríkjastjórn um að byrjað að vinda ofan af tollum sem ríkin tvö hafa lagt á vörur hvors annars í áföngum. Enn á þó eftir að semja um hvenær fyrsti áfangi tollaafnámsins gæti hafist.

Viðskiptastríð hefur geisað á milli Kína og Bandaríkjanna eftir að Donald Trump Bandaríkjaforseti byrjaði að leggja tolla á innfluttar kínverskar vörur, stundum með þeim rökum að þær ógnuðu þjóðaröryggi Bandaríkjanna.

Í yfirlýsingu kínverska viðskiptaráðuneytisins í dag kemur fram að ríkin tvö hafi fallist á að fella niður tollar á vörur hvors annars. Enn á eftir að semja um hversu miklu af tollunum verður aflétt í fyrsta áfanga og hvenær það gæti gerst, að sögn Bloomberg-fréttastofunnar.

Gao Feng, talsmaður viðskiptaráðuneytisins, segir að bæði ríki verði að fella niður tolla á sama tíma og að sama andvirði til að samningur um fyrsta áfanga náist.