Segja Zlatan nálgast AC Milan

Zlatan Ibrahimovic nálgast endurkomu til AC Milan þrátt fyrir að hafa sjálfur gefið í skyn að hann sé á leiðinni til Spánar.

Hinn 38 ára Zlatan er að kveðja LA Galaxy og ætlar að skipta um lið í tíunda skipti á ferli sínum.

Mikið hefur verið rætt um hvað verði um Zlatan næst, hann stríddi stuðningsmönnum með að gefa til skyn að hann ætlaði til Spánar en það reyndist bara auglýsing fyrir veðmálafyrirtæki.

Spænski miðillinn Marca segir Zlatan nú færast nær og nær AC Milan.

Zlatan kann vel við sig á Ítalíu, hann á að baki 294 leiki með Inter, AC Milan og Juventus.

Framkvæmdarstjóri AC Milan sagði á dögunum að það yrði draumur að fá Zlatan aftur til Mílanó.