Banda­rísk barna­stjarna látin

Bandaríska barnastjarnan Laurel Griggs, sem kom fram í nokkrum þáttum af Saturday Night Live og í sýningum á Broadway, er látin, þrettán ára að aldri.

People segir frá því að hún hafi látist á þriðjudaginn en það sé fyrst núna sem greint hafi verið frá andlátinu. Foreldrar Laurel segja hana hafa látist af völdum alvarlegs astmakasts.

Laurel lék fyrst á Broadway árið 2013 sem Polly í leikritinu Cat on a Hot Tin Roof, þá sex ára gömul. Hún er hvað þekktust fyrir hlutverk sitt í leikritinu ONCE á árunum 2013 og 2015 þar sem hún lék á móti Scarlet Johanson, en leikritið vann meðal annars til Tony-verðlauna.

Þá birtist hún einnig í nokkrum þáttum Saturday Night Live og kvikmyndinni Café Society með þeim Steve Carell, Blake Lively og Kristin Stewart.

Fréttin hefur verið uppfærð.

We are saddened to share that Laurel Griggs passed away this week at the age of 13. Laurel was a brilliant young lady who appeared on Broadway in "Cat on a Hot Tin Roof" and "Once". We send our condolences to her loved ones at this difficult time. pic.twitter.com/SHDEiErN9l

— Young Broadway (@YoungBwayNews) November 8, 2019