„Kæmi mér rosa­lega á ó­vart ef E­ver­ton verður ekki í fall­sæti eftir þessa leiki“

Everton er enn ekki búið að reka stjóra sinn, Marco Silva, úr starfi en mikil pressa er á honum eftir enn ein vonbrigði Everton um helgina er liðið tapaði 2-0 fyrir Norwich á heimavelli.

Farið var yfir stöðu Silva og Everton-liðsins í þættinum Monday Night Football í gær þar sem Jamie Carragher fór ítarlega yfir stöðuna en hann heldur að Silva fái næstu tvo leiki til að bjarga starfinu.

Rosalega erfitt leikjaprógram bíður Everton en í næstu fimm leikjum mætir liðið Leicester, Liverpool, Chelsea og Manchester United áður en þeir mæta Burnley á heimavelli.

"I'll be massively surprised if Everton aren't in the bottom 3 after those fixtures." @Carra23 and @GNev2 look at the Blues' managerial struggles and the problems they face going forward.

Watch #MNF live on Sky Sports PL now or follow: https://t.co/k7pkZIPVv4pic.twitter.com/nlqqF72zI2

— Sky Sports MNF (@SkySportsMNF) November 25, 2019

Carragher segir að eftir samtal sitt við marga Everton-menn þá vilji allir hann burt en stjórn Everton sé skipt í tvo hluta; annar hlutinn vill halda Silva en hinn vill kasta honum fyrir glæ.

Gary Neville bættist í umræðuna og hann sagði að endinn á síðasta tímabili hafi boðað gott en þeir hafi verið í bakkgír það sem af er tímabili.

Alla umræðuna um Gylfa Sigurðsson og félaga hans í Everton má sjá í spilaranum hér að ofan.