Dýrðardagar Söru í Dúbaí | Myndband

Sara Sigmundsdóttir stóð uppi sem sigurvegari á Dubai CrossFit Championship sem lauk í gær.

Sara var með góða forystu fyrir síðasta keppnisdaginn og lét hana ekki af hendi. Hún fékk alls 967 stig af 1000 mögulegum.

Sara var 26 stigum á undan Karin Frey frá Slóvakíu. Hin breska Samantha Briggs varð þriðja.

Sara vann tvær greinar á mótinu, lenti þrisvar sinnum í 2. sæti og tvisvar sinnum í því þriðja.

„Takk fyrir Dubai,“ skrifaði Sara á Instagram í dag. Með færslunni er myndband með helstu tilþrifunum frá dýrðardögunum í Dúbaí.

Myndbandið skemmtilega má sjá hér fyrir neðan.