Á­kvörðun um á­fram­haldandi varð­hald tekin í dag

Dómari við Héraðsdóm Reykjavíkur mun í dag taka ákvörðun um það hvort Kristján Gunnar Valdimarsson, lektor við lagadeild Háskóla Íslands, muni áfram sæta gæsluvarðhaldi vegna gruns um að gróf kynferðisbrot gegn þremur konum og að hafa svipt þær frelsi sínu.

Kristján Gunnar var fyrst úrskurðaður í gæsluvarðhald á jóladag. Það varðhald rann út í gær og var hann leiddur fyrir dómara klukkan eitt eftir hádegi þar sem lögreglan á höfuðborgarsvæðinu fór fram á áframhaldandi gæsluvarðhald í fjórar vikur.

Tók dómari sér frest til hádegis til þess að kveða upp sinn úrskurð. Kristján Gunnar er þó enn í haldi lögreglu þar sem hann var látinn laus og handtekinn aftur á grundvelli fyrirmæla frá ríkissaksóknara frá árinu 2018.

Fréttastofa greindi frá því í gær að fleiri konur íhugi að kæra Kristján. Sagði Karl Steinar Valsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu, að það myndi ekki koma lögreglu á óvart ef það bærust fleiri kærur.