Í­búinn á Hrafnistu ekki með veiruna

Íbúi Hrafnistu í Laugarási sem grunur var um að hafi smitast af kórónuveirunni sem veldur sjúkdómnum Covid-19 er ekki með kórónuveiruna. Niðurstöður úr sýnatöku bárust síðdegis í dag og reyndist neikvætt. Þetta staðfestir María Fjóla Harðardóttir, framkvæmdastjóri heilbrigðissviðs Hrafnistu, í samtali við Vísi.

Viðkomandi er á Landspítala þar sem grunur vaknaði um að einstaklingurinn væri smitaður. Eftir að grunur vaknaði var ákveðið að grípa til fyrirbyggjandi aðgerða og loka tveimur deildum – Sólteig og Mánateig – en það hefur verið afturkallað.

Heimsóknartakmarkanir eru þó í gildi á Hrafnistu og má aðeins einn heimsækja heimilismann í einu. Þá hafa ættingjar verið hvattir til að koma sér saman um að aðeins einn ættingi heimsæki Hrafnistu og verði hann sjálfur í sóttkví til að stemma stigu við útbreiðslu veirunnar inn á heimilið.