Aftur var Lillard magnaður og línurnar skýrast í Vestur­deildinni

Damian Lillard var magnaður í nótt er hann skoraði 51 stig þegar Portland Trail Blazers vann þriggja stiga sigur á Philadelphia 76ers, 124-121.

Lillard hefur verið frábær í síðustu leikjum í Disney World, þar sem NBA-deildin klárast, en hann dró lið sitt í land í nótt og rúmlega það.

Sacramento Kings og New Orleans Pelicans misstu af tækifærinu í nótt til að tryggja sér sæti í úrslitakeppninni. Sacramento tapaði fyrir Houston og Pelicans tapaði fyrir San Antonio.

Síðasta sætið í vesturdeildinni, sem mun gefa þáttökurétt í úrslitakeppninni, mun þar af leiðandi falla í skaut Phoenix, Portland, San Antonio eða Memphis.

Úrslit næturinnar:

Washington - Oklahoma 103-121

Memphis - Toronto 99-108

San Antonio - New Orleans 122-113

Orlando - Boston 119-122

Philadephia - Portland 121-124

Houston - Sacramento 129-112

Brooklyn - LA Clippers 129-120