Bein útsending: Fréttir Stöðvar 2

Lögreglan hefur ákveðið að rannsaka ferð Mountaineers of Iceland á Langjökul þar sem 39 ferðamönnum var stefnt í háska.

Ferðamálastofa skoðar starfsleyfi fyrirtækisins og ferðamennirnir íhuga málsókn. Ítarlega verður fjallað um málið í fréttum Stöðvar tvö klukkan 18:30 auk þess sem farið verður yfir áhrif veðurhamsins undanfarinn sólarhring og hvers má vænta á morgun.

Við fjöllum líka um loðnuleitina sem hefst í næstu viku eftir að samkomulag náðist um að ríkið greiði helming leitarkostnaðar og förum yfir stóru málin á erlendum vettvangi.

Loks hittum við fulltrúa fólks sem ætlar að koma saman í kvöld til að prjóna sérstaka poka fyrir dýr sem hafa orðið illa úti í skógareldunum í Ástralíu.

Þetta og margt fleira í fréttum Stöðvar 2 á samtengdum rásum Stöðvar 2, Bylgjunnar og Vísis klukkan 18.30.