Enski boltinn

Klopp bað blaða­mennina um að fara á Goog­le: „Hvaða stöðu spilaði Mourin­ho?“

Anton Ingi Leifsson skrifar
Klopp og Mourinho mætast á morgun.
Klopp og Mourinho mætast á morgun. vísir/getty

Það var létt yfir Jürgen Klopp, stjóra Liverpool, á blaðamannafundi Liverpool í dag fyrir stórleikinn gegn Tottenham.

Liverpool ferðast til Lundúna og mætir Tottenham á morgun, laugardag, en flautað verður til leiks klukkan 17.30.

Sá þýski fékk spurningu í dag um hvort að hann eða Mourinho hafi verið betri leikmenn þegar þeir voru að spila.

„Ég veit ekki hvað. Ég veit ekki hvað hann spilaði. Hann var markvörður.. Jose var markvörður,“ sagði sá þýski staðráðinn og hélt áfram.

„Veit einhver hvaða stöðu Jose Mourinho spilaði? Það er ekki við mig að sakast ef þið vitið þetta ekki. Það er ekki hægt að segja: Klopp hafði enga hugmynd.“







„Ég held að hann hafi verið markvörður. Núna vil ég vita þetta. Googlaðu þetta. Ég hef tíma!“ sagði sá þýski staðráðinn.

Það kom hins vegar upp úr krafsinu að Mourinho var miðjumaður.

„Sorry Jose.“

Fylgst verður með leik Tottenham og Liverpool í beinni lýsingu á Vísi á morgun.

Enski boltinn

Mest lesið


Fleiri fréttir

Sjá meira


×

Mest lesið