Hélt upp á nýja samninginn með sigri og því að halda hreinu

Ögmundur Kristinsson hélt upp nýja samninginn við AEL Larissa með því að halda hreinu í sigri á Asteras Tripolis, 3-0, í grísku úrvalsdeildinni í dag.

Í síðustu viku skrifaði Ögmundur undir nýjan samning við Larissa til 2021. Hann hefur leikið með Larissa frá því í ágúst 2018 og fengið mikið lof fyrir sína frammistöðu.

Larissa er í 8. sæti deildarinnar með 30 stig.

Sverrir Ingi Ingason lék allan leikinn í vörn PAOK sem gerði 1-1 jafntefli við Xanthi á útivelli.

PAOK hefur aðeins fengið eitt stig í síðustu tveimur leikjum og unnið tvo af síðustu fimm leikjum sínum.

Nú tekur við úrslitakeppni um gríska meistaratitilinn sem bæði PAOK og Larissa taka þátt í.