Ronaldo til­kynnir að hann sé á förum frá lands­liðinu

Spænski miðillinn Marca greindi frá því að Ronaldo sé á leið frá Danmörku þar sem Portúgal átti að mæta danska landsliðinu í A-deild Þjóðadeildarinnar. Ronaldo hefur ekki verið sáttur með krísufundinn sem hann var á með Jorge Jesus, landsliðsþjálfara Portúgals, en það hringdi viðvörunarbjöllum þegar Pedro Proenca, forseti portúgalska knattspyrnusambandsins, sat einnig fundinn.

Á samfélagsmiðlinum Instagram steðfesti Ronaldo að hann væri á förum frá landsliðinu. Hann tekur fram í færslunni að hann muni segja sannleikann þegar augnablikið til þess gefst en þangað til óskar hann portúgalska landsliðinu góðs gengis í komandi leikjum. 

Cristiano Ronaldo er bæði leikjahæsti leikmaður portúgalska landsliðsins og markahæstur. Hann hefur spilað 234 leiki fyrir landsliðið og skorað í þeim 146 mörk. Síðasta markið sem hann skoraði fyrir Portúgal var gegn Króatíu í 32-liða úrslitum heimsmeistaramótsins í sumar þar sem hann skoraði úr vítaspyrnu.

Fyrr í dag sagði Jesus að vandamálið með Ronaldo væri leyst og að hann myndi æfa í dag með liðinu. Svo virðist sem vandamálið hafi ekki verið leyst þar sem hann sást fara frá hóteli liðsins í svarta bifreið sem ók honum upp á flugvöll.

Ronaldo fór ekki á æfingu með þeim leikmönnum sem voru á bekknum gegn Noregi heldur fór hann frekar í ræktina og tók æfingu sjálfur. Samkvæmt portúgölskum miðlum hefur hann ekki verið sáttur við að hafa setið á bekknum allan leikinn gegn Noregi. Þetta er í fyrsta sinn í 18 ár sem hann kemur ekki við sögu í leik portúgalska landsliðsins.

Fréttin hefur verið uppfærð.