Tower-brúin bilaði og stöðvaði umferð

Umferð í miðborg Lundúna stöðvaðist í rúman klukkutíma í dag eftir að Tower-brúin yfir ána Thames bilaði eftir að hafa hleypt skipi í gegn.

Tæknilegt klúður varð þegar að armar brúarinnar fóru ekki samtímis niður. Sky News greinir frá því að verkfræðingar hafi snarlega verið kallaðir á vettvang til þess að vinna að viðgerð á meðan að vegfarendur þurftu að leita annarra leiða til að komast yfir ánna Thames.

Seinna tókst að opna brúnna fyrir gangandi vegfarendum en bílaumferð þurfti að bíða lengur.