Innkalla kjúkling vegna gruns um salmonellu

Matvælastofnun varar við neyslu á ferskum kjúklingum frá Reykjagarði vegna gruns um salmonellu. Fyrirtækið er að innkalla kjúklinginn.

Þetta kemur fram í tilkynningu á vef Matvælastofnunar. Þar segir að innköllunin nái einungis til eftirfarandi rekjanleikanúmera:

• 001-20-31-3-07 & 001-20-31-1-13 (Holta-, Kjörfugl og Krónu-kjúklingur)
• 001-20-31-3-07 & 001-20-31-1-13 (Heill fugl, bring­ur, lund­ir, bit­ar)

Kjúklingnum hefur verið dreift í eftirfarandi verslanir: Iceland­versl­an­ir, Hag­kaupsversl­an­ir, Krón­an, KR Vík, Kjar­val, Nettó, Costco, Extra24, Heim­kaup, Kf. Skag­f­irðinga, Bjarna­búð, Kjör­búðin, Kaup­fé­lag Vest­ur-Hún­vetn­inga, Olís Versl­un Varma­hlíð, Basko/​10-11.

Eru neytendur sem hafa keypt kjúklinga með þessum rekjanleikanúmerum eru beðnir að skila þeim til viðkomandi verslunar eða beint til Reykjagarðs hf. að Fosshálsi 1, 110 Reykjavík.