Þristunum rigndi og Lakers komið í úr­slitin | LeBron kominn í góðra manna hóp

Los Angeles Lakers er komið í úrslitaleik vesturdeildarinnar eftir sigur á Houston Rockets í fjórða leik liðanna í nótt, 119-96.

Sigurinn var sinker öruggur en Lakers var komið með fimmtán stiga forskot strax eftir fyrsta leikhlutann. Þar settu þeir tóninn.

LeBron James var einu sinni sem oftar í lykilhlutverki í úrslitakeppni NBA en han skoraði 29 stig í nótt, tók ellefu fráköst og gaf sjö stoðsendingar.

Lakers menn voru funheitir fyrir utan þriggja stiga línuna og hittu alls nítján þriggja stiga skotum en þristana má sjá hér neðst í fréttinni.

James Harden skoraði 30 stig fyrir Houston sem er úr leik. Hann bætti einnig við sex fráköstum og fimm stoðsendingum.

Í úrslitaleiknum mun Lakers mæta annað hvort Los Angeles Clippers eða Denver Nuggets. Clippers leiðir 3-2 í því einvígi.