24 innanlandssmit greindust í gær

Alls greindust 24 með kórónuveiruna innanlands í gær. 17 af þessum 24 voru í sóttkví. Helmingi færri sýni voru tekin í gær en í fyrradag þegar 54 innanlandssmit greindust.

67 eru nú á sjúkrahúsi og hefur þeim fjölgað um þrjá á milli daga. Tveir voru lagðir inn á sjúkrahús á Akureyri en þeir eru ekki sagðir alvarlega veikir.

Enn eru fjórir á gjörgæslu.

Tekin voru 789 einkennasýni, 468 sýni í landamæraskimun og 137 sóttkvíar- og handhófsskimanir. Íslensk erfðagreining tók 30 sýni. Í gær voru tekin 1.422 einkennasýni, 397 sýni í landamærskimun og 265 sóttkvíar- og handhófsskimanir.

927 eru í einangrun, samanborið við 979 í gær og 996 í fyrradag. Þá eru 1.862 í sóttkví, samanborið við 1.867 í gær.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 202,3 en var 209,7 í gær. Þá er nýgengi landamærasmita nú 25,6 og var hún sú sama í gær.

Nú hafa 4.890 manns greinst smitaðir af kórónuveiru frá upphafi faraldursins. Af þeim veikst hafa af Covid-19 eru fimmtán nú látnir.