Tuttugu og fimm greindust innan­lands

Tuttugu og fimm manns greindust með kórónuveiruna innanlands í gær samkvæmt uppfærðum tölum á covid.is. Það er fjölgun frá því í gær, þegar nítján greindust smitaðir.

Tuttugu þeirra sem greindust í gær voru í sóttkví við greiningu eða 80% og fimm voru utan sóttkvíar.

Alls er nú 710 manns í einangrun hér á landi og 989 í sóttkví. 78 manns liggja á sjúkrahúsi vegna Covid-19 en þar af eru fjórir á gjörgæslu.

Alls voru tekin 989 einkennasýni og 467 sýni í sóttkvíar- og handahófsskimunum. 264 sýni voru tekin í landamæraskimun og 29 á vegum Íslenskrar erfðagreiningar.

Nýgengi innanlandssmita er 164,2 og nýgengi landamærasmita 17,7.

Einn greindist á landamærunum og er beðið niðurstöðu mótefnamælingar hjá honum.

Alls hafa nú 5.063 manns greinst með kórónuveiruna hér á landi frá upphafi faraldursins í lok febrúar. Átján manns hafa látist vegna Covid-19; tíu manns í fyrstu bylgjunni og átta í þeirri bylgju sem nú gengur yfir.

Tæp vika er nú síðan hörðustu sóttvarnaaðgerðir sem gripið hefur verið til hingað til í faraldrinum tóku gildi. Síðan þá hafa innan við þrjátíu smit greinst á dag og eins og áður segir voru þeir innan við tuttugu í gær.