Tuttugu greindust innan­­lands og af þeim voru ellefu ekki í sótt­kví

Þetta kemur fram í uppfærðum tölum á vefnum covid.is. 42 eru nú á sjúkrahúsi vegna Covid-19 og þar af tveir á gjörgæslu. Í gær voru 45 á sjúkrahúsi, þar af tveir á gjörgæslu.

Þórólfur Guðnason sóttvarnalæknir er áhyggjufullur yfir stöðunni.

Þrír greindust smitaðir á landamærum þar sem niðurstöðu mótefnamælingar er beðið í tilvikum tveggja. Einn var með virkt smit.

176 manns eru nú í einangrun, samanborið við 166 í gær. Þá eru 528 í sóttkví í dag, samanborið við 446 í gær.

Af þeim tuttugu sem greindust í gær, greindust nítján eftir svokallaða einkennasýnatöku en einn eftir sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 35,7 en var 32,5 í gær. Þá er nýgengi landamærasmita nú 13,1, en var 12,8 í gær.

Nú hafa 5.346 manns greinst smitaðir af kórónuveiru frá upphafi faraldursins. Á síðunni segir að af þeim veikst hafa af Covid-19 eru 26 nú látnir.

Sé litið til einstakra landshluta má sjá að fólki í einangrun fjölgar á höfuðborgarsvæðinu milli daga, fer úr 135 í 146. Sömu sögu er að segja af fólki í sóttkví, fer úr í 386 í 471. Hér má sjá hvernig staðan var í gær.

Alls voru tekin 853 einkennasýni hjá sýkla- og veirufræðideild Landspítalans og Íslenskri erfðagreiningu í gær og 240 sýni á landamærunum eða í seinni landamæraskimun. Þá voru 24 sýni tekin í annarri skimun hjá Íslenskri erfðagreiningu og 22 í svokallaðri sóttkvíar- og handahófsskimun.

Fréttin hefur verið uppfærð.