Bíó og sjónvarp

National Lampoon's Christmas Vacation sýnd í bílabíói á morgun

Tinni Sveinsson skrifar
Beverly D'Angelo og Chevy Chase í hlutverkum sínum sem Griswold-hjónin í National Lampoon's Christmas Vacation.
Beverly D'Angelo og Chevy Chase í hlutverkum sínum sem Griswold-hjónin í National Lampoon's Christmas Vacation.

RIFF efnir til bílabíós í tilefni aðventunnar og sýnir jólamyndina National Lampoon's Christmas Vacation á laugardag klukkan 20 á bílastæðinu hjá Samskip, á horninu á Holtavegi og Barkarvogi.

„Bílabíó er tilvalin skemmtun á tímum sem þessum og frábært fyrir bíóþyrsta að geta skellt sér í bíó með sínum nánustu á fjölskyldubílnum. Margir þekkja þessa sígildu gamanmynd og því er gaman að njóta í góða vina hópi og hlæja svolítið,“ segir í tilkynningu frá RIFF. 

National Lampoon's Christmas Vacation fjallar um fjölskylduföður sem leggur mikið á sig til þess að gera jólin sem hátíðlegust fyrir sína fjölskyldu en hefur ekki alltaf árangur sem erfiði. 

Gríðarstórt sýningartjald

Bílabíó RIFF er eitt stærsta bílabíó sem haldið hefur verið hérlendis. Sýningar fara fram eins og áður segir fyrir framan höfuðstöðvar Samskipa þar sem starfsfólk RIFF hefur í góðu samstarfi við Samskip reist gríðarstórt sýningartjald. Miðasala fer fram á riff.is

RIFF Jól

Tengdar fréttir

RIFF bætir upp fyrir fráfall Evrópsku kvik­mynda­verð­launanna

Evrópsku kvikmyndaverðlaunin áttu að vera haldin í Hörpu í Reykjavík nú um þessar mundir. Þeim var frestað vegna heimsfaraldursins en verða haldin á Íslandi að tveimur árum liðnum. Í staðinn hefst í dag Vetrarhátíð RIFF, til heiðurs Evrópsku kvikmyndaverðlaununum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.