Ron­aldo talinn bestu kaup frá upp­hafi úr­vals­deildarinnar

Alls tóku sérfræðingar Sky saman tuttugu bestu kaup enskra úrvalsdeildarliða frá árinu 1992. Ronaldo var á endanum sá leikmaður sem var talinn vera bestu kaup í sögu deildarinnar. Vængmaðurinn magnaði kostaði Manchester United tólf milljónir punda sumarið 2003. Var hann keyptur frá Sporting Lisbon í heimalandi sínu, Portúgal.

Ronaldo varð þrívegis meistari með Man Utd ásamt því að vinna Meistaradeild Evrópu, deildabikarinn, HM félagsliða og að sjálfsögðu Góðgerðaskjöldinn. Hann fór síðan til Real Madrid árið 2009 og hefur verið einn besti íþróttamaður í heimi í yfir áratug núna.

Alls eru þrjú af fimm bestu kaupunum í sögu ensku úrvalsdeildarinnar leikmenn sem Sir Alex Ferguson keypti til Man Utd á sínum tíma. Franska goðsögnin Eric Cantona er í 3. sæti og írski harðhausinn Roy Keane í 5. sætinu.

Thierry Henry er í 2. sæti en Arsenal keypti franska sóknarmanninn árið 1999 frá Juventus. Hann varð tvívegis enskur meistari með liðinu og var stór hluti af Ósigrandi-liði Arsenal frá 2004. Þá er hann markahæsti leikmaður félagsins frá upphafi.

Frank Lampard var svo í 5. sæti en Chelsea keypti hann frá West Ham United árið 2001.

Bestu kaupin að mati Sky Sports

1. Cristiano Ronaldo

2. Thierry Henry

3. Eric Cantona

4. Frank Lampard

5. Roy Keane

6. Didier Drogba

7. Sol Campbell

8. Wayne Rooney

9. Vincent Kompany

10. Alan Shearer

11. Mohamed Salah

12. N´Golo Kante

13. Dennis Bergamp

14. Virgil van Dijk

15. Gianfranco Zola

16. David Silva

17. Patrick Vieira

18. Eden Hazard

19. Sergio Aguero

20. Petr Cech