Hvassir vind­strengir við fjöll fram yfir há­degi

Veðurstofan spáir minnkandi vestan og suðvestanátt í dag en að víða verði strekkingur og sums staðar hvassir vindstrengir við fjöll fram yfir hádegi, einkum norðan- og suðaustanlands.

Í hugleiðingum veðurfræðings segir að að mestu verði skýjað vestantil á landinu en létti til með deginum og lengst af bjartviðri um austanvert landið. Hitinn verður á bilinu 6 til 16 stig, þar sem hlýjast verður á Suðausturlandi.

Fremur hæg vestanátt á morgun og dálítil væta, en áfram þurrt og bjart um austanvert landið. Hiti 6 til 14 stig á morgun, hlýjast syðst.

Veðurhorfur á landinu næstu daga

Á miðvikudag: Vestlæg átt 3-10 m/s. Skýjað og dálitlar skúrir á vestanverðu landinu, en bjartviðri austanlands. Hiti 6 til 15 stig, hlýjast á Suðausturlandi.

Á fimmtudag: Vestan og síðar norðvestan 5-13. Víða dálitlar skúrir, en léttir til um vestanvert landið með deginum og lengst af léttskýjað suðaustanlands. Hiti 5 til 14 stig, hlýjast syðst. Lítilsháttar él norðaustantil um kvöldið og hiti nálægt frostmarki.

Á föstudag: Norðan 5-13 og víða bjartiviðri, en dálítli él um landið norðaustanvert. Hiti frá frostmarki í innsveitum norðaustanlands, upp í 10 stig á Suðurlandi yfir daginn.

Á laugardag: Hæg norðlæg átt og bjart með köflum, en stöku él austantil á landinu. Hiti 4 til 10 stig en kringum frostamark norðan- og austanlands, og víða frost að næturlagi.

Á sunnudag: Suðvestanátt og að mestu skýjað, en léttir til um landið norðaustanvert. Hiti víða 5 til 10 stig.

Á mánudag: Suðvestanátt og ringing, en skýjað og þurrt austantil á landinu. Hlýnar heldur.