Sverrir Ingi lék allan leikinn í jafntefli

Larissa í næstneðsta sæti deildarinnar en PAOK í því þriðja efsta þegar kom að leik dagsins og því búist við sigri hjá Sverri og félögum.

Það voru hins vegar heimamenn sem komust yfir eftir 70 mínútna leik og stefndi allt í frækinn sigur Larissa.

Á síðustu mínútu venjulegs leiktíma fengu PAOK hins vegar vítaspyrnu og úr henni skoraði Vieirinha og bjargaði því einu stigi í hús fyrir PAOK sem varð af mikilvægum stigum í toppbaráttunni en liðið er fjórum stigum á eftir toppliði Olympiacos sem á einn leik til góða.