Grunaður um tilraun til manndráps eftir óeirðir í Helsingborg

Í frétt sænska ríkisútvarpsins segir að lögreglunni hafi borist nokkrar tilkynningar vegna óeirða og mögulegrar skotárásar á Västra Sandgatan á níunda tímanum.

Að minnsta fimm menn á fertugsaldri fóru slasaðir á sjúkrahús; tveir voru fluttir þangað en þrír fóru á spítalann sjálfir. Allir eru þeir með stungusár eða skurði.

Þá leikur grunur á að einn þeirra sé með skotsár en það hefur ekki verið staðfest. Einhverjir eru alvarlega slasaðir en aðrir minna. Enginn mannanna er þó í lífshættu.