Körfubolti

NBA dagsins: Svona hvarf forskot Celtics og Nets eru á miklu flugi

Sindri Sverrisson skrifar
Zion Williamson átti stóran þátt í sigri New Orleans Pelicans og fagnar hér í leiknum gegn Boston Celtics.
Zion Williamson átti stóran þátt í sigri New Orleans Pelicans og fagnar hér í leiknum gegn Boston Celtics. Getty/Jonathan Bachman

Taugatrekkjandi lokakaflinn í framlengdum leik Boston Celtics og New Orleans Pelicans, og góður sigur Brooklyn Nets á LA Clippers eru meðal þess sem sjá má í NBA dagsins.

Boston var 24 stigum yfir í þriðja leikhluta en tapaði að lokum 120-115 í framlengingu. Jayson Tatum tryggði Boston framlengingu með körfu á lokasekúndu venjulegs leiktíma en í framlengingunni gerði Brandon Ingram, sem skoraði 33 stig, útslagið með þriggja stiga körfu. Tilþrifin úr leiknum má sjá hér að neðan.

Klippa: NBA dagsins 22. febrúar

Brooklyn Nets eru í 2. sæti austurdeildar með 20 sigra í 32 leikjum, eftir sigur á LA Clippers sem eru í 3. sæti vesturdeildar með 22 sigra og 10 töp.

Brooklyn vann 112-108 og skoraði James Harden 37 stig. Þar með hefur hið stjörnum prýdda lið Brooklyn unnið sex leiki í röð.

Í NBA dagsins má einnig sjá svipmyndir úr 128-115 sigri Milwaukee Bucks á Sacramento Kings, þar sem Giannis Antetokounmpo skoraði 38 stig og tók 18 fráköst fyrir Milwaukee.

Milwaukee er í 3. sæti austurdeildar með 18 sigra en Sacramento í 12. sæti vesturdeildar.

NBA

Tengdar fréttir

Rekinn eftir tap í New York

Minnesota Timberwolves eru með versta árangurinn í NBA-deildinni á þessari leiktíð og hafa nú rekið þjálfara sinn. Liðið tapaði 103-99 gegn New York Knicks í gær og hefur aðeins unnið sjö leiki en tapað 24 í vetur.

Mest lesið


Fleiri fréttir

Sjá meira


×

Mest lesið