Utah Jazz lék meistarana grátt og er í toppmálum

Utah hefur nú unnið 22 af síðustu 24 leikjum sínum, og þar af hefur liðið unnið með að minnsta kosti tíu stiga mun í 20 leikjanna. Liðið er nú með enn meira forskot á Lakers í toppbaráttu vesturdeildarinnar, með 26 sigra en 6 töp. LA Clippers eru með 23 sigra og 10 töp en Lakers í 3. sæti með 22 sigra og 11 töp.

Rudy Gobert og Jordan Clarkson skoruðu 18 stig hvor fyrir Utah sem nýtti 22 af 48 þriggja stiga skotum sínum í leiknum. Þetta var ellefti leikur liðsins á tímabilinu þar sem það setur niður að minnsta kosti 20 þriggja stiga körfur. 

Utah var 63-47 yfir í hálfleik og gerði út um leikinn með fyrstu átta stigunum í seinni hálfleik, þar á meðal tveimur viðstöðulausum troðslum Goberts í röð.

LeBron James skoraði 19 stig fyrir Lakers og Montrzel Harrell 16 en liðið, sem var enn án Anthony Davis og Dennis Schröder, hefur nú tapað fjórum leikjum í röð.

Úrslit næturinnar: